एनवाईसीनेपाल संवाददाता
6 January 2025, Monday
न्यूयोर्क। च्याम्पियन मार्शल आर्ट्सको क्यू वेल्ट टेस्ट कार्यक्रम सम्पन्न भएको छ। उक्त परीक्षण कार्यक्रममा च्याम्पियन मार्शल आर्ट्सका संस्थापक र प्रमुख प्रशिक्षक सुनिल लामा र प्रशिक्षक जनक सिंह खड्काले प्रमुख परीक्षकको भूमिका निभाए।
यस वेल्ट टेस्टमा बंगलादेश, अमेरिका, फिलिपिन्स, मेक्सिको, थाईल्याण्ड र नेपालका २२ खेलाडीहरुले सहभागिता जनाएका थिए। सहभागी खेलाडीहरु विभिन्न क्यू श्रेणीमा थिए। क्यू १९ मा ५ जना, क्यू १८ मा ८ जना र क्यू १७ मा ९ जना खेलाडीहरु थिए।
वेल्ट टेस्टमा उत्तीर्ण सबै खेलाडीहरुलाई उनीहरुको उपस्थित अभिभावकबाट प्रमाणपत्र, वेल्ट र च्याम्पियन मार्शल आर्ट्सको टि(शर्ट प्रदान गरिएको थियो।
प्रमुख प्रशिक्षक र च्याम्पियन मार्शल आर्ट्सका सीईओ, ११ औं साग स्वर्ण पदक विजेता लामा र प्रशिक्षक खड्का खेलाडीहरुलाई निरन्तर कराते प्रशिक्षण दिइरहेका छन् र उनीहरूको दक्षता अभिवृद्धिमा महत्त्वपूर्ण योगदान पुर्याइरहेका छन्।
प्रतिक्रिया