सरल नेपालीको वार्षिकोत्सव

न्यू योर्क। नेपाली कक्षा सञ्चालन गरिरहेको सरल नेपाली भाषा तथा संस्कृति केन्द्र (एसएनएलसिसी) ले आठौँ वार्षिक उत्सव मनाएको छ। 

एसएनएलसिसीले ८ सेप्टेम्बरमा वार्षिकोत्वस मनाएको हो। वार्षिकोत्सवको उपलक्ष्यमा वनभोज कार्यक्रम सम्पन्न गरेको छ। वनभोजमा विद्यार्थी तथा उनीहरुका परिवार सहभागी थिए। वनभोज तथा वार्षिकोत्सव कार्यक्रम न्युयोर्कस्थित फरेष्ट पार्कमा सम्पन्न गरेको हो । 

शिक्षिका सरस्वती राई र पदमा लिंखा मगरले आठ जना विद्यार्थीहरूबाट एउटा स्टुडियोमा शुरु गरेको यस भाषा पाठशालामा हाल प्राविधिक, शिक्षक, बोर्ड, स्वयंसेवक गरी करिव २५ जनाको टिम छ भने १८० को हाराहारीमा अमेरिका, युरोप, फ्रान्स लगायतका विद्यार्थीहरू अनलाइनमा नै अध्ययन गर्छन्। 
पाठशाला नेपाल बाहेक कुनै पनि राष्ट्रबाट विद्यार्थीहरूले निस्शुल्क अध्ययन गर्न पाउँछन्।