अर्थ डे अफ एक्शनमा सरसफाई कार्यक्रम सम्पन्न

न्यूयोर्क । सामाजिक शिक्षाका लागि साहसी पहल (Bold Action for Social Education ) इन्टरनेशनलकासदस्यहरूले तेस्रो वार्षिक अर्थ डे अफ एक्शनमा सहभागिता जनाएका छन्। असेम्ब्ली मेम्बर स्टिभेन रागाको कार्यालयसँगको सहकार्यमा अप्रिल २५ मा कार्यक्रम आयोजना गरिएको हो। कार्यक्रममा क्विन्सभरिबाट करिब १ सय जना स्वयंसेवकहरू सहभागी भई वुडसाइड, एल्म्हस्र्ट र ज्याक्सन हाइट्स क्षेत्रमा वातावरण सफा , स्वच्छ र सुन्दर बनाउने प्रयासमा सहभागी भई सरसफाई गरेका थिए।

यो पहल सामूहिक समुदाय साझेदारीको सशक्त उदाहरणको रुपमा लिइएको थियो, कार्यक्रममा विभिन्न संस्थाहरूको सहभागिता रहेको थियो । वुडसाइड अन द मूभ, साउथ एसियन यूथ एक्शन, जुनियर चेम्बर इन्टरनेशनल फिलिपिन्स–न्यूयोर्क, NaFFAa न्यूयोर्क च्याप्टर, एनवाइसी क्विन्स कम्युनिटी बोर्ड २, एड्भोकेट न्यूयोर्क च्याप्टर, सिटी मिसन, एसियन्स फाइटिङ इनजस्टिस, र टु्रप ७७७ एल्म्हस्र्ट लगायत रहेका थिए।

सामाजिक शिक्षाका लागि साहसी पहल (BASE) इन्टरनेशनलको प्रतिनिधित्व संस्थापक अध्यक्ष दीपक चौधरी, अपरेशन्स तथा प्रशासन प्रमुख दाजिमा शेर्पा, वित्त तथा अडिट प्रमुख अहसानुर रहमान, समुदाय संलग्नता तथा साझेदारी प्रमुख तोरण गुरुङ, साथै सदस्यहरू कृष्ण माया महर्जन र ममता राईले गरेका थिए।

स्वयंसेवकहरूले सडक सफाइ, कम्पोस्टिङ र शहरी बगैंचाको सरसफाई गतिविधिमा सक्रिय सहभागिता जनाएका थिए । कार्यक्रमको मुख्य आकर्षणमध्ये एक थियो ‘रष्टी व्हीलबारो फार्म’ लाई सहयोग गर्नु, जुन स्वयंसेवकद्वारा सञ्चालन हुने प्यान्ट्री फार्म हो, जसले स्थानीय खाद्य भण्डारहरूका लागि ताजा उत्पादन उब्जाउने मात्र नभई बासिन्दाहरूलाई कम्पोस्टिङ, दिगोपन र शहरी कृषि सम्बन्धी शिक्षा पनि प्रदान गर्दछ।

“यो कार्यक्रम एकता र साझा जिम्मेवारीको शक्ति प्रतिबिम्बित गर्छ,” BASE) इन्टरनेशनलका एक प्रतिनिधिले बताए। “हाम्रा समुदायहरू आफ्ना छिमेकी क्षेत्रहरूको संरक्षण र उन्नतिको लागि एकजुट भएको देख्न पाउँदा प्रेरणादायी लाग्छ।”

BASE  इन्टरनेशनलले सबै साझेदार संस्थाहरू, स्वयंसेवकहरू, र असेम्ब्ली सदस्य स्टिभेन रागाको कार्यालयप्रति नेतृत्व तथा निरन्तर सहकार्यका लागि हार्दिक आभार व्यक्त गरेको छ । 

उनीहरूको संयुक्त प्रयासले यस वर्षको अर्थ डे अफ एक्शनलाई फेरि एक प्रभावशाली र सफल समुदाय–प्रेरित पहल बनाउन सम्भव बनाएको छ।