एजुकेसन ग्लोबल सिनेट २०२६ को अनुदान प्रस्तावको लागि आह्वान

एजुकेसन ग्लोबल सिनेट ग्रान्ट समितिले नेपालका शैक्षिक संस्थाहरू (विद्यालयहरू) लाई  वर्ष २०२६ को अनुदान चक्रका लागि अनुदान प्रस्ताव पेस गर्न आव्हान गरेको छ । ग्रान्ट समितिले मार्च ३१ सम्म प्रस्ताव बुझाउन विज्ञप्ती मार्फत आव्हान गरेको हो । 

सबै प्रस्तावहरू अनुदान प्रस्ताव निर्देशिका र अनुदान आवेदन टेम्प्लेट अनुसार तयार गरी पेश गर्नु पर्ने उल्लेख छ । ती दस्ताबेजहरू  एजुकेसन ग्लोबल सिनेटको वेबसाइटमा उपलब्ध रहेको जनाइएको छ । 

https://educationglobalsenate.org/grants/ 

प्रस्तावहरू समता ग्लोबल सिनेटको वेबसाइटमा गएर अनलाइनमार्फत पेस गर्न सकिने उल्लेख गरिएको छ । प्रस्तावहरू समता ग्लोबल सिनेटको वेबसाइट सबमिशन (Submission) पोर्टल मार्फत अनिवार्य रूपमा पेस गर्नुपर्ने छ । प्रस्तावनाका लागि विस्तृत निर्देशनहरू र आवश्यक उपकरणहरू वेबसाइटमा उपलब्ध छ। https://docs.google.com/forms/d/e/1FAIpQLSf0HYMjQKUivjnpnl_TPDKaVD9LUHePm4NKka_JM4D3cs6F-w/viewform

त्यसैगरी, अनलाइन सबमिशन गर्न नसकेको अवस्थामा समता सिनेट ग्रान्ट समितिका अध्यक्षलाई प्रत्यक्ष इमेल मार्फत goupreti@gmail.com मा पनि प्रस्ताव पठाउन सकिने समितिका सदस्य सचिव डा. विष्णु जोशीले जानकारी दिए । ग्रान्ट समितिले सबै शैक्षिक संस्थाहरूलाई आवश्यक कागजातहरूसहित राम्ररी तयार पारिएको प्रस्ताव पेस गर्न प्रोत्साहन गरेको छ । प्रस्ताव छनौट समितिले प्राप्त प्रस्तावहरु अध्ययन गरी २ वटा विद्यालयलाई ४, ४ लाखको दरले अनुदान उपलब्ध गराउने समितिले जनाएको छ ।

गत बर्ष कर्णाली प्रदेशबाट बझाङको बाल विकास स्कुल र वागमति प्रदेशबाट लक्ष्मी प्रतिष्ठान काभे्रले अनुदान प्राप्त गरेको थियो।