क्यानडाले पनि अमेरिकालाई कर लगाउने

न्यू योर्क। क्यानडाले अमेरिकालाई झण्डै २१ अर्ब डलर कर लगाउने भएको छ। राष्ट्रपति डोनाल्ड ट्रम्पले  फलाम र स्टीलमा २५ प्रतिशत कर कार्यान्वयन ल्याए लगत्तै क्यानडाले अमेरिकामाथि कर लगाउने घोषणा गरेको हो।

ट्रम्प प्रशासनले बुधबारदेखि अमेरिका आयात हुने फलाम र स्टिलमा २५ प्रतिशत कर लगाउन सुरु गरेको थियो। त्यसप्रति असन्तुष्टि जनाउँदै क्यानडाले २० दशमलव ७ अर्ब डलर कर लगाउने घोषणा गरेको एपीन्यूजले जनाएको छ। क्यानडाका एक उच्च अधिकृतको हवाला दिँदै एपीन्यूजले अमेरिकी सामग्रीमाथि कर लगाउने तयार भइरहेको जनाएको छ।

क्यानडाले कर लगाए अमेरिकी शेयर बजार र क्रिप्टोकरेन्सी थप ओह्रालो लाग्ने अपेक्षा गरिएको छ। ट्रम्पले अमेरिका आयात हुने सामाग्रीमा कर लगाउने घोषणा गरेपछि अमेरिकी शेयर बजार ओह्रालो लाग्न सुरु गरेको थियो।