दार्जिलिङ समाज अमेरिकाको अध्यक्षमा होम कुमारी गुरुङ (माया) निर्वाचित

न्यूयोर्क । दार्जिलिङ समाज अमेरिकाको अध्यक्षमा होम कुमारी गुरुङ(माया) निर्वाचित भएका छन् । फेब्रुअरी १५ मा न्यूयोर्कको ज्याकसन हाइटमा भएको समाजको पहिलो अधिवेशनले गुरुङको अध्यक्षतामा नौ सदस्यीय नयाँ कार्यसमिति चयन गरेको हो । 
नव निर्वाचित कार्यसमितिमा रमला तामाङ उपाध्यक्ष, सन्ध्या गुरुङ प्रधान महासचिव, शारदा गुरुङ सचिव, एनएफएन गुरु कोषाध्यक्ष र नम्रता तामाङ सहकोषाध्यक्षमा निर्वाचित भएका छन् । यसैगरी कार्यसमिति सदस्यहरुमा तिर्थराज लामा, सरिता गुरुङ र बन्दना सेवा निर्वाचित भएका छन् । समाजको नव निर्वाचित कार्यसमिति पदाधिकारी तथा सदस्यहरुलाई निर्वाचन समिति संयोजक भारती राईले पद तथा गोपनियताको सपथ ग्रहण गराएका थिए । निर्वाचन प्रक्रियाको लागि भारती राईको संयोजकत्वमा विज्ञान चन्द्र लामा र इन्दु लामिछाने सम्मिलित निर्वाचिन समिति गठन भएको थियो । 

त्यसअघि अधिवेशनको उद्घाटन समारोहलाई सम्बोधन गर्दै सभाध्यक्ष एवं निर्वातमान अध्यक्ष राज लामाले अमेरिकामा बसोबास गर्ने दार्जिलिङका समुदायको हक हितको प्रवर्दनको लागि समाजको स्थापना भएको र संस्थाको उदेश्य अनुरुप  गतिविधि अघि बढीरहेको बताए । नव निर्वाचित अध्यक्ष होम कुमारी गुरुङ (माया)ले दार्जिलिङका नेपाली भाषी तथा अन्य समुदायमा बसोबास बढ्दै गइरहेको र उनीहरुको दैनिक जीवनमा आइपर्ने विविध समस्याहरुको समाधान र संस्कार संस्कृति संरक्षणका लागि संस्था सक्रिय रहने प्रतिबद्धता व्यक्त गरे । यस कार्यका लागि समुदयका सबै सदस्यहरुको हातेमालो हुनुपर्ने उनले बताए ।