विषेश महाधिबेशनद्धारा गगन थापा सभापतिमा चयन, निर्वाचन सम्मुखमा काँग्रेस गम्भीर विवादमा

काठमाडौ । पार्टी संस्थापनसंग सहमति खोज्ने प्रयास असफल भएपछि नेपाली काँग्रेसको विशेष महाधिवेशनले गगन कुमार थापालाई सभापतिमा चयन गरेको छ । महाधिवेशनमा ५६ प्रतिशत प्रतिनिधि सहभागी भएको दावी गर्दै नयाँ केन्द्रीय कार्यसमिति चयन गरेपछि नेपाली कांग्रेस निर्वाचनको मुखैमा आएर गम्भीर विवादमा फसेको छ । पार्टीको औपचारिक विभाजनअघि अब कुन समूहले पार्टीको आधिकारिकता पाउने हो भनेर सबैको चासो निर्वाचन आयोगतिर अघि बढेको छ । 
सभापति शेरबहादुर देउवा पक्षले विषेश महाधिवेशनलाई अवैधानिक भन्दै महामन्बीद्धय गगन थापा र विश्वप्रकाश शर्मालाई पार्टीबाट निस्कासन गरेपछि विशेष महाधिवेशनपक्षधरले नयाँ नेतृत्व चयन गरेको हो । 
दुवै पक्षले निर्वाचन आयोगमा आ–आफ्नो दाबी पेश गरीसकेका छन् । सहमतिको प्रयासमा जारी महाधिवेशन लम्ब्याउदै गरिएका प्रयास असफल भएपछि विशेष महाधिवेशनले गगन थापाको नेतृत्वमा नेपाली समय अनुसार बुधबार राती नयाँ केन्द्रीय कार्यसमिति निर्वाचित गरेको छ । 
नवनिर्वाचित कार्यसमितिमा उपसभापतिमा विश्वप्रकाश शर्मा र पुष्पा भुसाल निर्वाचित भएका छन् । यस्तै महामन्त्रीमा प्रदीप पौडेल र गुरुराज घिमिरेलाई निर्विरोध चयन गरेको छ । सहमहामन्त्रीमा डिला संग्रौला (महिला), प्रकाश रसाइली (दलित), बहादुरसिंह लामा (आदिवासी जनजाति), उदयशमशेर जबरा (खस आर्य), मुक्ताकुमारी यादव (मधेशी), फरमुल्लाह मन्सुर (मुस्लिम), योगेन्द्र चौधरी (थारू) र कर्णबहादुर बुढा (पिछडिएको क्षेत्र) चयन भएका छन् । विशेष महाधिवेशनले १२१ जनालाई केन्द्रीय सदस्य चयन गरेको छ ।
सभापतिमा निर्वाचित भएपछि थापाले पार्टीमा शेरबहादुर देउवाको अध्याय टुंगिएको उद्घोष गरे । उनले कांग्रेस गुटबाट मुक्त भएको बताए । ‘कांग्रेसका सबै क्रियाशील सदस्य र सभापति बराबर रहने नयाँ परम्परा सुरु भएको छ,’ उनले भने ।