केन्द्रीय बैंकद्धारा ब्यादरमा आधा कटौती, मोर्गेज किस्ता घट्ने अपेक्षा

न्यू योर्क । अमेरिकाको केन्द्रिय बैंक फेडरल रिजर्भले व्याजदर आधा कटौती गरेको छ । अमेरिकाको अर्थतन्त्र सामान्य अवस्थामा फर्केको जनाउँदै केन्द्रीय बैंकले बुधबार व्याज दर कटौति गरेको हो। यो कटौति अपेक्षाभन्दा बढी हो । 

फेडेरल रिजर्भको यो निर्णयले घर, कार, क्रेडिटकार्ड आदिमा तिर्नु पर्ने ब्याजमा कटौती हुने अपेक्षा गरिएको छ । बैंकको ब्याजमा आए मोर्गेजको मासिक किस्ता पनि केही कम हुने अपेक्षा छ । यस्तै व्यवसायिक ऋण लिँदा पनि मासिक किस्ता पनि केही घट्ने छ । 

बैंक वा वित्तिय संस्थाले आफुलाई पैसा आवश्यक पर्दा फेडरल रिजर्भवाट सापटी लिने गर्छन । सापटी पैसामा फेडरल रिजर्भले ब्याजदर तोकेका हुन्छ । अहिले फेडरल रिजर्भले यही ब्याज दर घटाएको हो । केन्द्रीय बैंकले ब्याज दर घटाएपनि बैंक तथा वित्तीय संस्थाहरुले कति ब्याजदर तय गर्ने र कहिलेबाट घटाउने भन्ने निर्णय भएको छैन । 

वित्तीय संस्थाबाट कम ब्याजमा पैसा पाए लगानी गर्नेहरु बढ्ने र बजार भाउ घट्न सक्ने अर्थविदहरुले अनुमान गरेका छन् । बजारमा उपभोग्य वस्तुको मुल्य बृद्धी धेरै भएको भन्दै चार बर्ष यता फेडरल रिजर्भले व्याज दर घटाएको थिएन । फेडरल रिजर्भले मूल्य बृद्धि अर्थात् मुद्रा स्फिती कम गर्न पटकं पटक ब्याज बढाएको थियो । यसले घर, कार आदि महंगो भएका कारण अर्थतन्त्रमा असर पुगेको थियो । अमेरिकामा राष्ट्रपति चुनाव हुनुभन्दा डेढ महिनाअघि फेडरल रिजर्भले गरेको यो निर्णयलाई राजनीतिक वृत्तमा भने अर्थपूर्ण रुपमा हेरिएको छ ।