नेपाल डे परेड २०२५ आउने मे १८ मा न्युयोर्कको म्यानह्याट्टनमा हुँदै

न्युयोर्क —आउने मे १८ मा न्युयोर्कको म्यानह्याट्टनमा हुने नेपाल डे परेड २०२५ स्टीयरिङ कमिटीको बैठकले विभिन्न समिति बनाई कार्यविभाजन गरेको छ । न्युयोर्कका स्पाइसी नेपाल रेष्टुरेन्टमा सम्पन्न बैठकले परेड व्यवस्थापन, मञ्चको व्यवस्थापन, सांस्कृतिक झाँकी, अतिथि सत्कार, ट्रक व्यवस्थापन लगायत विभिन्न समितिको कार्यविभाजन गरेको हो । नेपाल डे परेड २०२५ को सञ्चालक समिति अध्यक्ष छिरिङ शेर्पा, कन्भेनर मनिता गुरुङ, आर्थिक संयोजक कृष्ण आचार्यसहित सल्लाहकार, संयोजक र स्वयंसेवकहरू सहभागी भएका थिए। 

बैठकमा परेडको तयारीका लागि विभिन्न समिति बनाई कार्यविभाजन गरिएको  आयोजकले जनाएको छ ।  नेपाल परेड डे का पूर्व कन्भेनर टक रुवालीले २ सय साना, १ सय मध्यम र १० वटा ठूला नेपाली झण्डा प्रायोजन गर्ने जानकार दिए ।

अध्यक्ष छिरिङ शेर्पाले बैठकमा सबैलाई स्वागत गर्दै नेपाल डे परेड २०२५ लाई सम्पूर्ण नेपाली समुदायको गौरवमय चाडको रूपमा स्थापित गर्न सबैको साथ र सहकार्यको अपेक्षा रहेको बताए।

बैठकमा सहभागीहरूले परेडको तयारीलाई तीव्र पार्दै परेड डे लाई भव्य, आकर्षक र ऐतिहासिक बनाउन प्रतिबद्धता जनाएका छन् । 

म्यानह्याट्टनमा आयोजना हुने परेड डे को लागि निम्न समिति बनाई कार्य विभाजन गरिएको छ ।