सिटी जागिर कसरी खोज्ने

न्यू योर्क सिटीमा बसोबास गर्नेहरुका लागि सिटीले उपलब्ध गराउने सरकारी जागिर निकै आकर्षक मानिन्छ । न्युयोर्क सिटी अन्तर्गतका ८० वटा भन्दा बढी सरकारी एजेन्सीमा आफ्नो योग्यता र अनुभव अनुसारका जागिर पाउन सकिन्छ ।

न्यू योर्क सिटीले हरेक महिना यस्तो जागिरको लागि एप्लिकेसन खुला गर्दछ । सिटीको जागिरको लागि द एनवाइसी डिपार्टमेन्ट अफ सिटिवाइड एडमिनिस्ट्रेटिभ सर्भिसेस (डिसिएएस) ले हरेक महिना जागिरको लागि आह्वान गर्दछ ।

डिसिएएसको वेभसाइटमा गएर खुलेको जागिरको बारेमा जानकारी लिन सकिनुकासाथै दरखास्त समेत दिन सकिन्छ । डिसिएएसको वेभसाइट भित्र गएर मासिक न्युजलेटरको लागि फर्म भरेर सबमिट गरेमा हरेक महिना खुल्ने जागिरको बारेमा इमेलमार्फत समेत जानकारी दिने गर्दछ ।