इजरायल र हिजबुल्लाहवीच ६० दिने युद्धविराम, युद्धको स्थायी अन्त्यको डिजाइन भएको अमेरिकी राष्ट्रपति बाइडेनको भनाई

न्यू योर्क । इजरायल र लेबनानको हिजबुल्लाह समूहवीच ६० दिने युद्ध विराम भएको छ । अमेरिकी राष्ट्रपति जो बाइडेनको घोषणा अनुसार आएको युद्ध विरामको प्रस्ताबलाई इजरायलको प्रधानमन्त्री बेन्जमिन नेतान्याहुले स्वीकार गरेपछि एकवर्षदेखि जारी युद्ध अन्त्यको पहल शुरु भएको हो । 

गत सेम्टेम्बर महिनाबाट यी दुईवीच ठूलो लडाई शुरु भएको थियो । जब इजरायलले बमबारीलाई तीव्र बनायो र भौतिक आक्रमण सुरु गर्यो, लेबनान र इरान समर्थित हिजबुल्लाहले पनि जवाफी आक्रमण गरेको थियो । यो युद्धमा हालसम्म लेबनानमा ३८ सय भन्दा बढीको ज्यान गएको बताइएको छ भने एक लाख भन्दा बढी आफ्ना घर छोडेर भागेका छन् । युद्धविराम शुरु भएसंगै लामो समयदेखि आफ्नो घर छाडेर गएकाहरु फर्किएको अन्तराष्ट्रिय संचारमाध्यमहरुले जनाएका छन् । युद्धविराम शुरु भए लगतै लेबननको बेरुतका स्थानीय बासिन्दाहरुमा खुशी देखिएका छन् । 

युद्धविरामका शर्तहरूका अनुसार इजरायली सेनाहरु लेबनानबाट क्रमिक रुपमा फिर्ता हुनेछ भने हिजबुल्लाहका सैनिकहरूलाई दक्षिणी लेबननमा लेबनानी सेनाले प्रतिस्थापन गर्नेछ । हिजबुल्लाहका लडाकूहरूलाई लितानी नदीको उत्तरमा फिर्ती हुने व्यवस्था छ ।

इजरायल र लेबनानको हिजबुल्लाहले गरेको युद्धविराम सहमति अनुसार स्थानीय समय अनुसार बुधवार बिहान ४ बजेबाट लागू भएको छ । युद्ध विरामपछि अमेरिकी र फ्रान्सेली अधिकारीहरूले पछिल्लो केही हप्तामा तीव्र रुपले बढेको द्वन्द्वलाई एक अस्थायी रोक लगाउने बताएका छन्।

युद्धविरामको समयमा, लेबनानी सेनाले र संयुक्त राष्ट्रका शान्ति सैनिकहरूले उक्त क्षेत्रलाई पुनः परिचालन गर्ने र सुरक्षित गर्नेछन् । यी शर्तहरू दुवै पक्षले स्वीकार गरेका छन् । संघर्षको स्थायी अन्त्यको लागि यो घोषणाको डिजाइन गरिएको अमेरिकी राष्ट्रपति जो बाइडनले बताए । “हामी दृढ छौं कि यो द्वन्द्व मात्र अर्को हिंसाको चक्र नहोस्।” युद्धविरामका दुवैपक्षले पूर्ण पालना गर्ने विस्वास व्यक्त गर्दै राष्ट्रपति बाइडेनले अब लेबननमा सर्वसाधारणको दैनिकी सामान्य हुने बताए ।  

इजरायली प्रधानमन्त्री बेन्जामिन नेतन्याहूले हिजबुल्लाहसँगको युद्धविरामले इजरायलका चासोहरूको रक्षा गर्ने बताउदै यदि हिजबुल्लाहले धम्की दिने हो भने पुनः आक्रमण गनसक्ने विकल्प रहेको बताएका छन् । 

तस्बीर श्रोतः बिबिसी अनलाईन